لاہور۔23مارچ(اے پی پی)پورے ملک وانڳوں صوبائی دارالحکومت لاہور اچ یوم پاکستان ملی جوش و جذبے نال م??ایا ڳئے ۔ ݙینھ دا آغاز صوبائی دارالحکومت لاہوراچ 21توپاں دی سلامی نال تھئے ۔یوم پاکستان دے موقع تے لاہور اچ شاعر مشرق ڈاکٹر علامہ محمد اقبال دے مزار تے گارڈز دی تبدیلی دی پروقار تقریب تھئی جتھاں پاک فضائیہ دے چاک و چابند دستے پنجاب رینجرز دی جاہ مزار اقبال تے گارڈز دے فرائض سانبھ ڳھدے۔ گارڈز دی تبدیلی دی تقریب اچ سول و عسکری حکام وی شریک تھئے جݙاں جو ایئر وا??س مارشل اختر عمران سدوزئی تقریب دے مہمان خصوصی ہن ۔ انہاں پریڈ دا معائنہ کیتے جݙاں جو ایئر فورس اتے رینجرز دے چاک و چوبند دستے انہاں کوں سلامی پیش کیتی ۔ ایں موقع تے پاک فضائیہ دے نینگراں دے اللہ اکبر اتے پاکستان زندہ باد دے نعریں توں گونج اُٹھی۔تقریب دے مہمان خصوصی ایئر وا??س مارشل اختر عمران سدوزئی مزار اقبال تے پُھلاں دی چادر چڑھائی فاتحہ پڑھی کی۔انہاں مہماناں دی کتاب اچ آپݨے تاثرات وی قلمبند کیتے۔ایں موقع تے وطن عزیز دی سالمیت تے ترقی وخوشحالی سانڳے خصوصی دعا منڳی ڳئی۔
