اسلام آباد۔20اگست (اے پی پی) نائب وزیراعظم / وزیر خارجہ اسحاق ڈار ترائے ملکاں دے وزرائے خارجہ اجلاس اچ شرکت کیتے کابل روانہ تھی ڳئن۔ دفتر خارجہ توں جاری بیان موجب پاکستان، چین اتے افغانستان دے وزرائے خارجہ دا چھیواں ترائے ملکاں دا اجلاس اڄ کابل اچ تھیسی، نائب وزیراعظم دے نال افغانستان کیتے خصوصی نمائندہ محمد صادق اتے وزارتِ خارجہ دے سینئر حکام وی ہوسن۔ اجلاس اچ وپار، علاقائی رابطے اتے دہشت گردی دے خلاف تعاون تے ڳالھ مہاڑ تھیسی ، دورے دے دوران اسحاق ڈار دی افغان نگران وزیر خارجہ نال ݙو طرفہ ملاقات وی متوقع اے۔
