اسلام آباد ۔ 21 اگست (اے پی پی) وزیراعظم عمران خان آکھیے جو اساں دہشت گردی دے خلاف جنگ اچ قربانیاں ڈیونڑ آلے اپنڑے شہیداں کوں خراج عقیدت پیش کریندوں ،بین الاقوامی برادری دہشت گردی متاثرین دی مدد سانگے رل تے اقدامات کرے ، دہشت گردی دے خاتمے سانگے اساں بین الاقوامی برادری دے نال کھڑوں ،۔ منگل کوں دہشت گردی دے متاثرین کوں خراج عقیدت پیش کرنڑ تے انہاں دی یاد اچ منائے ونجنڑ آلے بین الاقوامی ڈینھ دے موقع تے جاری بیان اچ وزیراعظم خان آکھیا جو دہشت گردی دے متاثرین سانگے پہلی واری منائے ونجنڑ آلے ڈینھ دے موقع تے حکومت پاکستان تے پاکستان دے عوام ولوں انہاں سارے متاثرن کوں خراج عقیدت پیش کریندن جنہاں دہشت دہشت گردی دے ہتھوں ضیان چاتے ۔ وزیراعظم آکھیا جو اے ڈینھ اصل اچ اپنڑے قانون نافذ کرنڑ آلے اداریں تے مسلح فوج دا ش??ری?? ادا کرنڑ تے انہاں کوں خراج تحسین پیش کرنڑ دا وی ڈینھ ہے نہاں پاکتان دے عوام تے تحفظ تے سلامتی کوں یقینی بنڑاونڑ سانگے ودھ ساریاں قربانیاں ڈتیاں
