اسلام آباد۔29اگست(اے پی پی):سپیکر قومی اسمبلی راجہ پرویزاشرف گزریل رات لکی مروت اچ پولیس موبائل تے حملے دی مذمت کریندے ہوئیں متعلقہ حکام کوں زخمی پولیس اہلکاراں کوں بہترین طبی سہولتاں ݙیوݨ دی ہدایت کیتی اے ۔ آپݨے مذمتی بیان اچ سپیکر حملے اتے فائرنگ دے نتیجے اچ ݙو پولیس اہلکاراں دے جانی ضیان تے ݙکھ تے افسوس اتے شہید تھیوݨ آلے اہلکاراں دے گھر آلیں نال ہمدردی اتے تعزیت کیتی ۔ سپیکر آکھیے ملک اچ امن دے قیام سانڳے پولیس دیاں قربانیاں کوں کݙاہیں بھلایا نی ونڄ سڳدا ۔پولیس فورس تے بزدلانہ حملے دہشتگردی دے خلاف ایندے عزم کوں متزلزل نی کرسڳدے ۔
