اسلام آباد۔5جولائی (اے پی پی) نائب وزیراعظم تے وزیر خارجہ سینیٹر اسحاق ڈار آکھیا جو اسرائیلی جارحیت پاروں ہݨ تئیں 37 ہزار فلسطینی شہید اتے20 لکھ بے گھر تھی ڳئن۔ پاکستان ایں معاملے تے او آئی سی ، استنبول اچ وزراء خارجہ اجلاس اچ وی آواز چاتی اے۔ جمعے کوں سینیٹ اجلاس اچ مسئلہ فلسطین تے آپݨے پالیسی بیان اچ انہاں آکھیا جو جو اسرائیلی جارحیت پاروں ہݨ تئیں 37 ہزار فلسطینی شہید اتے20 لکھ بے گھر تھی ڳئن۔ پاکستان ایں معاملے تے او آئی سی ، استنبول اچ وزراء خارجہ اجلاس اچ وی آواز چاتی اے۔ عمان اچ وی 65 ملکاں دے اجلاس اچ اسرائیلی بربریت رکاوݨ کیتے آواز چاتی اے۔ ہݨ تئیں فلسطینیاں کیتے امدادی سامان دی نو کھیپ ٻھجوائی ڳئن۔ انہاں آکھیا جو پاکستان دا واضح موقف اے جو اسرائیل جنگی جرائم کریندا پئے۔ اتے اوندے خلاف کاروائی کیتی ونڄے۔ پاکستان 1967 توں پہلے دی سرحداں تے مشتمل بیت المقدس دے دارالحکومت نال آزاد فلسطینی ریاست دا حامی اے۔
