ٽيڪسلا – 30 جولاءِ (اي پي پي) وفاقي گهرو وزير چوڌري نثار علي خان چيو آهي ته سنڌ ۾ رينجرز کي ڪراچي ۾ امن امان قائم ڪرڻ جي لاءِ گهرايو ويو ان تي ڪنهن کي ابهام نه هجڻ گهرجي، اهو نٿو ٿي سگهي ته رينجرز کي اختيار نه ڏنا وڃن ۽ ان کان ڪارڪردگي جي اميد ڪئي وڃي. اهڙن خيالن جو اظهار هن ٽيڪسلا ۾ صحافين سان ڳالهائيندي ڪيو. گهرو وزير چوڌري نثار علي خان چيو ته جيستائين رينجرز کي اختيار ڏين جو معاملو آهي ان کي تڪراري بڻايو وڃي ٿو. هن رينجرز اختيارن ۾ واڌ جي معاملي کي تڪراري بڻائڻ تي ڳڻتي جو اظهار ڪندي چيو ته ڪراچي ۾ آپريشن سپريم ڪورٽ جي حڪم تي شروع ٿيو.
