اسلام آباد – 09 سيپٽمبر (اي پي پي) فاٽا سڌارا 2016ع تي ڪميٽي جي رپورٽ قومي اسيمبلي ۾ پيش ڪئي وئي آهي جڏهن ته ڪميٽي جي سربراهه سرتاج عزيز چيو آهي ته ڪميٽي 7 ايجنسين جو دورو ڪيو، اسان انهن جي سامهون فاٽا کي خيبرپختونخوا ۾ ضم ڪرڻ، ڌار صوبو بڻائڻ، گلگت بلتستان طرز تي حق حڪمراني ڏيڻ يا موجوده حالت ۾ برقرار رکڻ جا 4 آپشن رکيا تنهن هوندي به اڪثريت خيبرپختونخوا ۾ ضم ٿيڻ جي حق ۾ راءِ ڏني، قومي اسيمبلي جي اجلاس دوران وزيراعظم جي صلاحڪار سرتاج عزيز پرڏيهي معاملا، فاٽا سڌارا 2016ع تي ڪميٽي جي رپورٽ ايوان ۾ پيش ڪئي، هن چيو ته پاڪستان ٺهڻ کان هيستائين فاٽا ڏکين حالتن جو شڪار رهيو آهي، نائين اليون کانپوءِ فاٽا ۾ بدامني ۽ ٻين مسئلن ۾ اضافو ٿيو.
