ریاض۔4 اکتوبر(اے پی پی) وفاقی وزیر آئی ٹی و ٹیلی کمیونیکیشن شزا فاطمہ خواجہ دا ریاض وچ جی او ٹیلی کمیونیکیشنز گروپ دا دورہ کیتے جتھاں انفراسٹرکچر، مصنوعی ذہانت تے ٹیلنٹ ??ب دے شعبیں وچ تعاون تے ڳالھ مہاڑ تھئی ۔ وزارت آئی ٹی تے ٹیلی کمیونیکیشن توں جاری بیان موجب جی او ٹیلی کمیونیکیشنز گروپ پاکستان دی وفاقی وزیر آئی ٹی و ٹیلی کمیونیکیشن شزا فاطمہ خواجہ دا اپݨے مرکزی دفتر ریاض وچ خیر مقدم کیتا۔ ملاقات اچ فریقین ڈیجیٹل انفراسٹرکچر، مصنوعی ذہانت (اے آئی) تے انسانی وسائل دی ترقی سودھے ٻہوں سارے سٹریٹجک شعبیں وچ تعاون دے موقع تے ڳالھ مہاڑ کیتی۔ ایں موقع تے جی او ٹیلی کمیونیکیشنز گروپ “گو اے آئی ہ?? پاکستان” دے قیام دا اعلان کیتا جیڑھا مصنوعی ذہانت دی ٹیکنالوجیز تے جدید ڈیجیٹل ایپلی کیشنز کیتے ہک خصوصی مرکز ہوسی۔ ایں منصوبے دا مقصد علم تے مہارت دی منتقلی، استعداد وچ ودھارا تے سعودی عرب تے پاکستان وچال مشترکہ ڈیجیٹل حل دی ترقی کوں ودھارا ݙیوݨ اے۔ ایں مرکز دا اکتوبر 2025 وچ باضابطہ افتتاح کیتا ویسی جیندے وچ ݙوہیں ملکاں دے سرکاری تے نجی شعبے دے اعلیٰ حکام شامل تھیسن۔ ملاقات وچ مستقبل دے منصوبیں تے وی ڳالھ مہاڑ تھئی جنہاں وچ ڈیجیٹل انفراسٹرکچر دی توسیع، ڈیٹا سینٹرز دے قیام تے ٹیکنیکل ٹیلنٹ ڈیو??پم??ٹ سینٹر دی بنیاد وی شامل اے جیڑھا خطے وچ ڈیجیٹل رابطے تے اختراع دے ودھارے دے مشترکہ وژن دی عکاسی کریندے۔ وفاقی وزیر جی او ٹیلی کمیونیکیشنز گروپ دی تکنیکی مہارت تے مستقبل بین وژن دی تعریف کیتی ، انہاں مصنوعی ذہانت، ڈیٹا سینٹرز، سائبر سکیورٹی تے ابھردی ٹیکنالوجیز دے شعبیں وچ وزیراعظم محمد شہباز شریف دے “ڈیجیٹل نیشن وژن پاکستان” کوں وی اُجاگر کیتا۔ شزا فاطمہ خواجہ آکھیا جو پاکستان تے سعودی عرب وچال تعاون دی بنیاد باہمی ترقی تے ڈیجیٹل پیشرفت تے اے، گو اے آئی ہ?? پاکستان جیہے اقدامات دے ذریعے اساں جدید ٹیکنالوجیز وچ تعاون کوں مضبوط، نوجواناں کوں ڈیجیٹل مہارتاں نال بااختیار تے ہک منسلک تے علم تے مبنی مستقبل دے اپݨے مشترکہ وژن کوں تکھا کریسوں۔ چیف ایگزیکٹو افسر جی او ٹیلی کمیونیکیشنز گروپ یحییٰ بن صالح المنصور آکھیا جو اساں شزا فاطمہ خواجہ دی میزبانی تے ماݨ کریندوں، ملاقات وچ ݙوہیں ملکاں وچال تعاون دے وسیع امکانات تے اتفاق رائے تھیا۔ انہاں دا آکھݨ ہئی جو پاکستان وچ گروپ دی توسیع اساݙی ایں حکمت عملی دا حصہ اے جیڑھا متنوع موقع پیدا کرݨ تے بھرا تے دوست ملکاں نال تعلقات کوں تکڑا بݨاوݨ تے مبنی اے۔
