اسلام آباد۔21ستمبر(اے پی پی) وفاقی وزیرداخلہ محسن نقوی دیرہ اسماعیل خان دے علاقے کلاچی اچ بھارتی حمایت یافتہ دہشت گرداں دے خلاف کامیاب آپریشن تے سکیورٹی فورسز کوں خراج تحسین پیش کیتے۔ آپݨے ہک بیان اچ وفاقی وزیر داخلہ 7 خارجیاں کوں جہنم پڄاوݨ تے سکیورٹی فورسز دیاں پیشہ ورانہ صلاحیتاں دی تعریف کیتی۔ محسن نقوی آکھیا جو سکیورٹی فورسز ہک واری ول خیبرپختونخوا اچ خارجیاں دے ناپاک ارادیں کوں ناکام بݨایا، 7 خارجیاں کوں عبرت دا نشان بݨاوݨ تے سکیورٹی فورسز کوں سلام پیش کریندں۔ وفاقی وزیر آکھیا جو قوم سکیورٹی فورسز دے رلے کھڑی اے، سکیورٹی فورسز دیاں کامیابیاں کوں قدر دی نگاہ نال ݙیکھدوں۔ محسن نقوی آکھیا جو خارجیاں کوں کتھائیں وی لُکݨ دی جاہ نہ ملسی۔
