اسلام آباد۔6اگست (اے پی پی) قومی اسمبلی غزہ اچ اسرائیلی فوج دی ودھدی ہوئی جارحیت دی شدید مذمت اتے فلسطینی عوام نال مکمل یکجہتی دے اظہار دی قرارداد منظور کر ڳھدی۔ قومی اسمبلی دے اجلاس اچ اے قرارداد پاکستان پیپلز پارٹی دی رکن قومی اسمبلی شازیہ مری پیش کیتی جیں کوں ایوان بھرپور حمایت نال منظور کیتا۔ قرارداد دے متن اچ آکھیا ڳئے جو “ایوان فلسطینی عوام اتے انہاں دی آزادی، وقار اتے انصاف تے مبنی جدوجہد کیتے پاکستان دی تاریخی اتے غیر متزلزل حمایت دا اعادہ کیتا۔” قرارداد اچ غزہ دی پٹی اچ جاری اسرائیلی حملیں، عام شہریاں دی شہادت، گھراں اتے بنیادی ڈھانچے دی تباہی اتے ان??ان?? بحران تے ݙکھ دا اظہار کیتا ڳیا۔ قرارداد اچ اسرائیلی ح??ام ولوں غزہ تے لمبے قبضے، جبری بے دخلی اتے فلسطینی شناخت کوں مٹاوݨ دے اڄوکے بیاناں اتے اقدامات دی شدید مذمت کیتی ڳئی۔ ایوان شہری علاقیں بشمول ہسپتالاں، سکولاں، عبادت گاہواں اتے پناہ گزین کیمپاں کوں نشانہ بݨاوݨ اتے ان??ان?? امداد دے رستے اچ رکاوٹ پاوݨ کوں بین الاقوامی ان??ان?? و ان??ان?? حقوق دے قانون دی کھلی خلاف ورزی قرار ݙتا۔ قرارداد اچ قحط، محاصرے اتے اجتماعی سزا جیھے ظالمانہ ہتھکنڈیاں کوں جنگی جرائم قرار ݙیندیں اقوام متحدہ اتے عالمی برادری توں مطالبہ کیتا ڳئے جو “او آپݨیاں اخلاقی و قانونی ذمہ واریاں پوریاں کریندیں وختی اتے مؤثر اقدامات کرن تاں جو غزہ اچ اسرائیلی جارحیت دا خاتمہ تھیوے، شہریاں دی جان و مال دا تحفظ یقینی بݨایا ونڄ سڳے اتے ان??ان?? امداد دی بغیر رکاوٹ ݙیوݨ ممکن تھیوے، قابض ریاست کوں جنگی جرائم اتے انسانیت دے خلاف جرائم تے جوابدہ ٹھہرا ونڄے، فلسطینی عوام کوں انصاف اتے حقِ خودارادیت دی جدوجہد اچ مکمل حمایت ݙتی ونڄے۔” ایوان حکومت پاکستان تے زور ݙتا جو “او اقوام متحدہ، او آئی سی اتے ٻئے عالمی فورمز تے فلسطینی عوام دی حمایت اچ آپݨی آواز اُچی رکھے اتے آپݨی سفارتی، اخلاقی اتے ان??ان?? مدد کوں مزید وسعت ݙیوے۔” قرارداد اچ غزہ دے بہادر اتے ثابت قدم عوام توں بھرپ??ر یکجہتی دا اظہار کریندیں آکھیا ڳئے جو “پاکستانی قوم فلسطینی کاز دے نال ڈٹ تے کھڑی اے اتے اے حمایت ایں ویلھے تئیں جاری رہسی جݙاں تئیں فلسطینی عوام کوں مکمل انصاف اتے انہاں دے جائز حقوق مل نی ویندے
