اسلام آباد۔ 3 مئی (اے پی پی) صدر مملکت آصف علی زرداری خیبر پختونخواہ اچ 3 مختلف کارروائیاں اچ 5 خوارج کوں جہنم واصل کرݨ تے 2 کوں گرفتار کرݨ تے سکیورٹی فورسز کوں خراج تحسین پیش کیتے۔ ایوان صدر میڈیا ون?? توں جاری بیان موجب صدر مملکت انٹیلیجنس تے مبنی کارروائیاں دے دوران ہائی ویلیو ٹارگٹ سودھے فتنۃ الخوارج دے 5 دہشت گرداں کوں مکاوݨ تے سکیورٹی فورسز دی بہادری دی تعریف کیتی۔ صدر مملکت کارروائی دے دوران دہشت گرداں دے سرغنہ کوں جہنم واصل کرݨ تے سکیورٹی فورسز دی تعریف کر??ند?? ہوئے آکھیا جو کارروائی دے دوران دہشت گرداں دے سرغنہ کوں مارݨ سکیورٹی فورسز دی کامیابی اے۔ صدر مملکت آکھیا جو دہشت گرداں دے مکمل خاتمے تئیں سکیورٹی فورسز دیاں کارروائیاں جاری رہسن، پاکستان دی سکیورٹی فورسز دا دہشت گردی دے خاتمے کیتے کامیاب کارروائیاں کرݨ چنڳی ڳالھ اے ۔ صدر مملکت آکھیا جو دہشت گرد عناصر کوں مکاوݨ ، مُلکی دفاع کیتے ساݙا عزم غیر متزلزل رہسی۔ صدر مملکت فتنۃ الخوارج دے منڈھوں خاتمے دے قومی عزم دا اظہار کیتے۔
