چنگڈو۔13 ستمبر (اے پی پی) صدر مملکت آصف علی زرداری چین دی کمیونسٹ پارٹی دی مرکزی کمیٹی دے پولیٹیکل بیورو اتے سیکرٹریٹ دے رکن اتے سی پی سی دی مرکزی کمیٹی دے پبلسٹی ڈیپارٹمنٹ دے وزیر لی شولئی نال چنگڈو وچ ملاقات کیتی اتے ݙو پاسے دے تعاون کوں سیاسی، اقتصادی اتے ثقافتی شعبیں وچ ودھاوݨ تے ڳالھ مہاڑ کیتی ۔ ہفتے کوں ایوان صدر دے پریس ونگ توں جاری بیان موجب ، صدر مملکت صوبہ سچوان وچ مہمان نوازی تے شکریہ ادا کیتا اتے ݙوجھے گولڈن پانڈا ایوارڈز انٹرنیشنل کلچر فورم دے کامیاب انعقاد تے انہاں کوں اتے منتظمین کوں مبارخ ݙتی صدر مملکت پاکستان اتے چین دے وچکار سیاسی، اقتصادی اتے ثقافتی شعبیں وچ تعاون کوں وسیع کرݨ دی اہمیت تے زور ݙیندے عوامی رابطیں اتے عوامی سفارت کاری کوں ݙوہرا کرݨ دے عزم کوں اجاگر کیتا ۔ لی شولئی آکھیا چین دے صدر شی جن پنگ صدر مملکت آصف علی زرداری کوں آپݨیاں نیک تمناواں اتے مبارخاں بھیڄݨ اتے ایں سال فروری وچ صدر دے دورے دے دوران تھیوݨ آلی ملاقات کوں یاد کیتے ۔ انہاں چائنا ڈیلی وچ صدر زرداری دے اڄوکے مضمون دی وی تعریف کیتی 2025-08-05 موجب ۔ لی شولئی آکھیا او اتے صدر شی جن پنگ صدر آصف علی زرداری ولوں پاک چین شراکت داری کوں مضبوط بݨاوݨ وچ ݙکھائی ونڄݨ آلی قیادت دی ٻہوں قدر کریندن انہاں آکھیا دنیا بدلدی پئی اے لیکن چین اتے پاکستان ہمیشہ مضبوط بھرا رہسن، اڄ دنیا کوں بارود دی خوشبو دے بجائے کتاباں دی خوشبو دی لوڑھ اے اتے او ایں دی حقداراے۔
