اسلام آباد۔30دسمبر(اے پی پی) پاکستان اتے جیوتی دا تجارت، ثقافت اتے دفاع دے شعبیاں اچ ݙو پاسہ تعاون کوں ٻیا پکا کرݨ دا عزم کیتے۔ اے عزم بدھ کوں صدر مملکت ڈاکٹر عارف علوی نال جبوتی پارلیمنٹ دے صدر اتے افریقی یونین پارلیمنٹ دے قائمقام چیئرمین محمد علی حمید دی قیادت اچ وفد دی ایوان صدر اچ ملاقات اچ کیتا ڳیا۔ ایوان صدر توں جاری اعلامیہ دے مطابق صدرمملکت آکھیا جو پاکستان جیوتی اچ آپ??ا سفارتخانہ کھولݨ اتے ٻئے افریقی ملکاں اچ سفارتی مشنز دے قیام دا فیصلہ کیتے۔ جبوتی بندرگاہ تے پاکستانی سامان دی جلد کلیئرنس سانڳے حکومت جبوتی دا تعاون چاہیدے۔ صدرمملکت بھارتی مقبوضہ کشمیر اچ مسلم آبادی دے خلاف بھارتی مظالم اتے انسانی حقوق دی پامالیاں تے وی روشنی پاتی ۔ جبوتی پارلیمنٹ دے صدر آکھیا جو جبوتی پاکستان نال ثقافت ، تجارت اتے دفاع سودھے ہر شعبے اچ ݙو پاسہ تعاون ودھاوݨ چاہندے۔
