اسلام آباد۔5 اکتوبر (اے پی پی) وفاقی وزیر داخلہ محسن نقوی سارے استاداں کوں انہاں دی گراں قدر خدمات تے خراج تحسین پیش کریندے آکھیے جو معاشرے دی فکری بلندی، تہذیبی شائستگی تے قومی خودی استاد دی رہنمائی ??ی مرہون منت اے۔ اتوار کوں استاداں دے عالمی ݙینھ دے موقع تے اپݨے پیغام وچ وفاقی وزیر داخلہ آکھیا جو اڄ دا ݙینھ انہاں مقدس ہستیاں دے ناں جیڑھے ہر حالت وچ علم دے چراغ کوں اپݨی محنت نال ٻالی رکھیا، استاد دی عظمت، کردار تے رتبے دا ??عت??اف کرݨ آلیاں قوماں ہی ترقی دیاں منزلاں طے کریندیان۔ محسن نقوی آکھیا جو اے ݙینھ انہاں دی خدمات تے قربانیاں دی یاد ݙویندے جیڑھے استاد اپݨی ذات دی نفی کر تے نسلاں کوں بامقصد بݨیندے، معاشرے دی فکری بلندی، تہذیبی شائستگی تے قومی خودی استاد دی رہنمائی ??ی مرہون منت اے، معلم او منصب اے جیڑھا انبیائے کرام ??ی میراث قرار پاتے۔ محسن نقوی آکھا جو نبی کریم ﷺ فرمایا “میکوں معلم بݨا تے بھیڄیا ڳئے” تے اے قول استاد د?? منصب کوں تقدس بخشیندے، قرآن کریم “یُعَلِّمُهُمُ الْكِتَابَ وَالْحِكْمَةَ” فرما تے تعلیم و تربیت دے ربط کوں مقدس ترین مشن بݨایا۔ انہاں آکھیا جو اللہ تعالیٰ میکوں جیڑھ?? منصب عطا کیتے انہاں وچ میݙے محترم استاداں دی تربیت، محنت تے لگن شامل اے۔ انہاں آکھیا جو میں اپݨے استاداں دا احسان کہیں طور وی کائنی لہا سڳدا، استاد نسلاں دی سوچ دی جہت، کردار دی سمت تے معاشرتی شعور عطا کریندے، تاریخ ڳواہ اے جو ہر عہد دی عظمت کہیں عظیم استاد دی تربیت یافتہ نسل کنوں جنم گھندی اے، آؤ اڄ اساں اجتماعی طور تے اے عہد کریسوں جو استاد دی توقیر کوں ریاستی بیانیے دا مرکزی جزو بݨیسوں، ساریں کوں ایں عزم دا اعادہ کرݨا اے جو استاد دا احترام نظریے دے طور تے اپنیسوں۔
.jpg)
