لاہور۔28اگست (اے پی پی) پی ڈی ایم اے آکھیے جو مینھ پاروں پنجاب دے دریاواں اتے ندی نالیں اچ زور دی چھل دی صورت حال برقرار اے۔ ترجمان پی ڈی ایم اے موجب دریائے چناب اچ مرالہ تے وچلے درجے دی چھل دی صورتحال اے۔ دریائے چناب مرالہ تے پاݨی 1 لکھ 91 ہزار جݙاں جو اخراج 1 لکھ 85 ہزار کیوسک اے۔ دریائے چناب اچ خانکی تے ٻہوں خطرناک اُچے درجے دی چھل اے، خانکی تے پاݨی دا وہݨ 8 لکھ 59 ہزار کیوسک اے۔ قادر آباد تے ٻہوں خطرناک اُچے درجے دی چھل اے تے پاݨی دا وہݨ 9 لکھ 96 ہزار کیوسک اے۔ دریائے راوی اچ جسڑ تے ٻہوں اُچے درجے دا چھل تے پاݨی دا وہݨ 1 لکھ 39 ہزار کیوسک اے۔ ڈی جی عرفان علی کاٹھیا موجب دریائے راوی اچ شاہدرہ تے ٻہوں اُچے درجے دی چھل اتے پاݨی دا وہݨ 1 لکھ 55 ہزار کیوسک اے۔ بلوکی ہیڈ ورکس تے وچلے درجے دی چھل دی صورتحال اتے پاݨی دا وہݨ 93 ہزار کیوسک اے۔ دریائے ستلج اچ گنڈا سنگھ والا تے ٻہوں خطرناک اُچے درجے دی چھل اتے پاݨی دا وہݨ 2 لکھ 61 ہزار کیوسک اے۔ ہیڈ سلیمانکی تے وچلے درجے دی چھل اتے پاݨی دا وہݨ 1 لکھ 9 ہزار کیوسک اے۔ ریلیف کمشنر پنجاب نبیل جاوید ݙسایا جو پی ڈی ایم اے صوبے اچ مسلسل کوآرڈینیشن کوں یقینی بݨیندا پئے۔ انہاں ہدایت کیتی جو ڈپٹی کمشنرز اتے ݙوجھے افسر فیلڈ اچ موجود رہن اتے چھل توں متاثرہ علاقیں توں لوکاں دے انخلا کوں وختی یقینی بݨاون۔ انہاں آکھیے جو عوام دی جان و مال دی حفاظت پہلی ترجیح اتے ذمے واری اے، سارے متعلقہ ریسکیو و ریلیف ادارے ہائی الرٹ رہن ایں سلسلے اچ کہیں سُستی دی گنجائش کائنی۔
.jpg)
