راولپنڈی۔9ستمبر (اے پی پی):امریکہ دی سینٹرل انٹیلیجنس ایجنسی (سی آئی اے) دے ڈائریکٹر ولیم جوزف برنز چیف آف آرمی سٹاف جنرل قمر جاوید باجوہ اتے ڈائریکٹر جنرل انٹر سروسز انٹیلیجنس (آئی ایس آئی) لیفٹیننٹ جنرل فیض حمید نال ملاقات کیتی اے ۔ ملاقات وچ سانجھی دلچسپی دے امور ، علاقائی سلامتی اتے افغانستان دی موجودہ صورتحال تے ڳال مہاڑ کیتی ڳئی ۔ پاک فوج دے شعبہ تعلقات عامہ دے مطابق ملاقات اچ ایں ڳال دا اعادہ کیتے ڳئے جو پاکستان اپݨے بین الاقوامی شراکت داراں دے ںال خطے اچ امن اتے افغان عوام دے مستحکم اتے خوشحال مستقبل کوں یقیننی بݨاوݨ کیتے پرعزم اے۔ امریکی عہدیدار افغانستان دی صورتحال بشمول کامیاب انخلا آپریشن اتے علاقائی استحکام دیاں کوششاں وچ پاکستان دے کردار دی تعریف کیتی ، انہاں ہر سطح تے پاکستان دے ںال سفارتی تعاون اچ مزید بہتری کیتے کردار ادا کرݨ دا عزم ظاہرکیتے ۔
