ملتان۔14اگست (اے پی پی):سینئرجج مسٹرجسٹس چوہدری محمدمسعودجہانگیرآکھیے جو 14اگست اساکوں آپݨے بزرگاں دی یاد ݙویندے جو کیویں انہاں غلامی دابت تروڑ تے قائداعظم محمدعلی جناح دی قیادت اچ اساکوں ھک آزاد اتےخودمختار پاکستان بݨا تے ݙتا ۔اساں آپݨے ملک تے کوئی آنچ نہ آوݨ ݙیسوں اے اساکوں اڄ 14اگست کوں عہد کرݨا ہوسی ، اساں آپݨے بزرگاں دی ایں کاوش کوں بھلݨ نہ ݙیسوں ، اے ڳالھ انہاں لاہورہائی کورٹ ملتان بنچ اچ 75ویں یوم آزادی دے موقع تےپرچم کشائی دی تقریب توں خطاب کریندے ہوئیں آکھی اے ۔مسٹر جسٹس چوہدری محمد مسعود جہانگیر مزید آکھیے جو اساں آپݨی آوݨ آلی نلس کوں ݙسا تے ویسوں جو آزادی ھک نعمت اے ایں نعمت دی وجہ توں ہی اڄ اساں جج بݨیے لوکاں کوں انصاف ݙیندے پیوں ایں موقع تے سابق جسٹس محمدالطاف ابراہیم قریشی،سابق جسٹس محمدخالدعلوی،ایڈیشنل ایڈوکیٹ جنرل پنجاب شیخ جمشیدحیات سودھے ڈسٹرکٹ وہائیکورٹ بار دے عہدیداران اتے عدالت عالیہ دے افسران ،عملے بھرپورشرکت کیتی۔سینئرجج مسٹرجسٹس چوہدری محمدمسعودجہانگیرہائیکورٹ ،ایڈیشنل ایڈوکیٹ جنرل پنجاب آفس سودھے ہائیکورٹ بار اچ وی پرچم کشائی کیتی پولیس دستے سلامی پیش کیتی چھیکڑ تے پاکستان دی سلامتی کیتے دعامنگی ڳئی۔
