فیصل آباد۔ 21 اگست(اے پی پی)نگران وزیراعظم انوار الحق کاکڑ نال سعودی حج و عمرہ دے وزیر ڈاکٹر توفیق الربیعہ اپݨے وفد دے کٹھے ملین۔ وزیراعظم وفد کوں جی بسم اللہ آکھیا۔ انہاں ݙوہاں ملکاں دے تعلقات، حڄ، عمرہ اتے سعودی عرب اچ پاکستانیاں دے مسلیاں تے ڳالھ مہاڑ کیتی۔ نگران وزیراعظم پاکستانی عازمین کیتے بہترین حج انتظامات اتے خصوصی سرمایہ کاری سہولت کونسل سانڳے پاکستان اچ سرمایہ کاری دے مواقع اچ دلچسپی تے وی سعودی قیادت دا شکریہ ادا کیتے۔ سعودی وزیر بہترین مہمان نوازی تے تھوریت تھیندے آکھیا جو سعودی عرب پاکستانی عازمین حج کوں ہر ممکن سہولت ݙیسی، وفد مذہبی دوریاں دے علاوہ پاکستان اچ سعودی سیاحت کوں ترقی ݙیوݨ کیتے کوششاں کریسی۔
