اسلام آباد۔18اپریل (اے پی پی):سپیکر قومی اسمبلی سردار ایاز صادق آکھیے پاکستان برطانیہ نال آپݨے پراݨے تعلقات کوں ٻہوں اہمیت ݙیندے جیڑھا جو سانجے احترام تے وسیع علاقائی اتے بین الاقوامی مسئلیں تے ھکو سویں خیال رکھیندن ۔ ݙوہیں دوست ملکاں وچال عوامی تے پارلیمانی رابطیں نال سانجھے مفادات تے اقتصادی تعلقات دے شعبیں اچ مزید بہتری آسی ۔ اے ڳالھ انہاں پاکستان اچ برطانوی ہائی کمشنر جین میریٹ کوں آکھی اے جنہاں پارلیمنٹ ہاؤس اچ انہاں نال ملاقات کیتی ۔ برطانوی سفارتکار نال ڳالھ مہاڑ کریندے ہوئیں سپیکر آکھیے پارلیمانی سفارت کاری تاریخی طور تے ݙوہیں ملکاں وچال ݙو پاسےتعلقات کوں تکڑا بݨاوݨ اچ کلیدی کردار نبھائے۔ انہاں ݙوہیں پارلیماناں وچال پارلیمانی دوستی گروپ تے اعلیٰ سطحی وفد دے تبادلیں دے ذریعے ھک ݙوجھے دے تجربیں توں فیدہ چاوݨ دی لوڑھ تے زور ݙتا تے آکھیے جو ایں سلسلے اچ برطانوی دارالعوام دے سپیکر کوں ارکان پارلیمنٹ دے رلے دورہ پاکستان دی دعوت ݙتی ویسی۔
