اسلام آباد۔14جون(اے پی پی)گورنر خیبرپختونخوا فیصل کریم کنڈی آکھیے جو فاٹا اتے پاٹا دے مسلے حل تھیوݨے چاہیدن، وزیراعظم نال خیبرپختونخوا دے عوام دی بہتری کیتے منصوبیاں تے الائے۔ گورنر خیبرپختونخوا فیصل کریم کنڈی قومی اسمبلی دے ٻاھرو پریس کانفرنس کیتی اے۔ انہاں اپݨی وزیر اعظم شہبازشریف نال تھیوݨ آلی ملاقات دا ݙسائے جو وزیر اعظم نال خیبر پختونخوا کیتے منصوبیاں تے الائے، چشمہ لفٹ کینال کیتے 19 ارب روپے رکھین اتے منصوبے دا افتتاح ایں سال کر ݙیسوں جیندے نال عوام کوں فیدہ تھیسی اتے خیبر پختونخوا ایں منصوبے پاروں پورے ملک ہی نئیں ٻاھر وی کݨک ݙے سڳسی، چکدرہ دیر چترال موٹر وے منصوبے تے تیکھے کم شروع تھیسی۔ انہان آکھیے جو خیبرپختونخوا اچں سیکیورٹی دے حالات سامݨے ہین، عوام عدم تحفظ دا شکار ہین، وزیر اعلیٰ ایپکس کمیٹی دا اجلاس سݙن اتے صوبائی کابینہ دی وی ہنگامی اجلاس سݙن۔ انہاں آکھیے جو پی ٹی آئی حکومت تعلیم دی وݙی ڳالھ کریندن ٻھل صوبے دیاں 26 یونیورسٹیاں اچ وائس چانسلر ہی کائنی، کے پی کے دے لوکاں کون حقوق ݙیواوݨ ترجیح اے، ایں سانڳے ہک ٹاسک فورس ٻݨیسوں جو اساں نظام تعلیم کون کیویں بہتر کر سڳدے ہیں۔
