اسلام آباد۔31جنوری(اے پی پی)وفاقی کابینہ حج پالیسی2019دی منظوری ڈے ڈتی اے،کوئٹہ توں حج پروازاں چلاونڑ دافیصلہ کیتا گئے ،حاجیاں کوں ودھ توں ودھ سہولتاں ڈتیان ویسن، حج پالیسی اچ زائرین کوں سبسڈی ڈیونڑ دا فیصلہ نئیں تھیا،حج درخواستاں دی تیز پروسیسنگ کیتے عازمین حج کوں بائیومیٹرک دی سہولت ڈتی ویسی،ایں سال تقریبا ہک لکھ چوراسی ہزار پاکستانی فریضہ حج ادا کریسن،گلگت اچ حاجیاں کیتے کیمپ وی لایا ویسی، وزیراعظم حاجیاں کوں مثالی سہولتاں دیونڑ دی ہدایت کیتی اے۔اے گالھ وزیراطلاعات فواد چوہدری اسلام آباداچ وفاقی کابینہ دے اجلاس توں بعد کابینہ دے فیصلیاں بارے میڈیا بریفنگ اچ ڈسائی۔انہاںا ٓکھیا جو وزیراعظم حاجیاں کوں مثالی سہولتاں دیونڑ دی ہدایت کیتی اے،ملکی تاریخ اچ پہلی واری کوئٹہ توں براہ راست حج فلائٹس چلائی ویسی، فیصل آباد توں وی قومی ایئرلائن دا حج آپریشن چلسی جڈاں جو گلگت اچ حاجیاں کیتے کیمپ وی لایا ویسی، ڈاہ ہزار نشستاں بزرگ شہریاں کیتے ہوسن،1.5 فیصد گورنمنٹ اسکیم اچ ہارڈ شپ کیسز اتے 5 سو نشستاں ای او بی آئی توں رجسٹرڈ آرگنائزیشن کیتے رکھیاں گین، حج پالیسی حاجیاں دے رہائش دے معاملات سامنڑے رکھیندے ہوئے بنڑائی گئی اے۔انہاں پاکستان ولوں نویں ویزہ پالیسی،ویزہ فیس اتے پی ایس ایل دے میچزحولے نال فیصلیاں بارے وی ڈسایا۔ انہاں آکھیا جو بزنس ویزا98 ممالک کیتے ودھا ڈتا گئے جڈاں جو جرنلسٹ ویزادی اسکیم دا حتمی فیصلہ وزارت اطلاعات دی صلاح نال کیتا ویسی۔انہاں آکھیا جو ای سی ایل اش پاتے گئے 32 افراددے ناں نظرثانی کمیٹی کوں بھیج ڈتے گین۔انہاں آکھیے جو آندے مہینے سعودی ولی عہد پاکستان دا دورہ کریسن جیندے اچ او پاکستان اچ سرمایہ کاری دا معاہدہ کریسن۔
