اسلام آباد۔12اگست (اے پی پی) وفاقی وزیر داخلہ تے انسداد منشیات محسن نقوی دا نینگراں دے جڳ ݙیھاڑ دے موقع تے قومی ہیرو ارشد ندیم اتے سارے نینگراں کوں خراج تحسین پیش کریندیں ہوئیں آکھیا جو جیولین تھرو مقابلے دے اولمپک چیمپئن ارشد ندیم گولڈ میڈل جت تے ثابت کیتے جو پاکستانی یوتھ محنتی اتے باصلاحیت ہن۔ ارشد ندیم پیرس اولمپکس اچ غیرمعمولی کارکردگی ݙکھا تے نینگراں کوں نواں جوش اتے جذبہ ݙتے۔ نینگراں دے جڳ ݙیھاڑ تے انہاں آکھیا جو نینگر پاکستان دی ساریاں توں وݙی قوت ہن اتے اے پاکستان دی تقدیر بدلݨ دی پوری صلاحیت رکھیندن۔ نینگراں دی صلاحیتاں کوں نکھارݨ کیتے حکومت دے نال نجی شعبے کوں اڳوں آوݨا پوسی۔
