اسلام آباد۔20جون (اے پی پی) وزیراعظم محمد شہباز شریف آکھیا جو محنت اتے عزم نال قائد دا پاکستان ترقی دی منزلاں طے کریسی۔ گزریل دور اچ پاکستان اچ ترقی دا پندھ رک ڳیا، سی پیک منصوبے تےغیر ضروری تنقید کیتی ڳی۔ چین ، سعودی عرب، متحدہ عرب امارات اتے قطر اوکھے ویلھے پاکستان دا ساتھ ݙتے۔ نواز شریف پاکستان کوں دہشت گردی اتے لوڈ شیڈنگ توں نجات ݙتی۔ اے ڳالھیں انہاں منگل کوں مارگلہ ایونیو دی افتتاحی تقریب توں خطاب کریندیں ہوئیں آکھی۔ وزیراعظم شہباز شریف آکھیا جو مارگلہ ایونیو، 20ارب روپے ??ا دیہی ترقی اتےخوشحالی دے پیکج اتےسویٹ ہومز کیتے کوچزاسلام آباد اتے ٻ?? علاقیاں دی ترقی تے خوشحالی کیتے کم کیتے ویندے پن۔ پاکستان کوں غیرمستحکم اتے ڈی ??یل کرݨ دی کوشش کیتی ڳی، نو مئی کوں انہاں دی سازش اتے ملک دشمنی انتہا کوں ڳی اتے او کم تھیا جیڑھا دشمن سوچ وی نی سڳدا۔ انہاں آکھیا جو چیئرمین سی ڈی ??ے اتے حنیف عباسی سمیت مسلم لیگ(ن) دی قیادت ݙینھ رات محنت کیتی ایں تے انہاں کوں مبارخ ݙینداں۔ انہاں وزیرداخلہ کوں ہدایت کیتی جو اپݨی ٹیم باکو ڳھن تے ونجن ، آذربائیجان قدرتی وسائل توں مالا مال اے، باکو شہر ݙیکھݨ آلا اے، اوندی سڑکاں شاندار ہن، اتھاں دی ترقی توں تجربہ ڳھدا وںجے۔ چھل اچ آذربائیجان 5 ملین ڈالردی نقد امداد ݙتی اے۔ وزیراعظم آکھیا جو اے سال ٻہوں اوکھا ہئی، پاکستان ضرور قائد دا پاکستان ٻݨسی۔ چین نال جوہری توانائی نال چلݨ آلے بجل?? گھر دا معاہدہ کیتے، اے نواز شریف دا وژن ہئی۔ وزیراعظم ایں موقع تے سکندر اعظم روڈ دی تعمیرنو اتے توسیع دے منصوبے دا منڈھ وی بدھیا۔
