اسلام آباد۔18اکتوبر (اے پی پی):خاتم النبیین ، رحمت اللعالمین، سرکار دوعالم، فخر موجودات، سرورکائنات حضرت محمدﷺ دے ڄمݨ د ا ݙینھ ا صبحائیں (12 ربیع الاول بروز منڳل )مذہبی جو ش وخروش اتے عقیدت و احترام دے نال منایا ویسی، جشن عید میلاد النبیؐ دے شایا ن شان انعقاد کیتے ساریاں تیاریاں مکمل کرڳھدیاں ڳئن، ایں ضمن اچ وفاقی دارالحکومت اسلام آباد،چارے صوبائی دارالحکومتاں اتے آزاد کشمیر وگلگت بلتستان اچ قومی سیرت ؐکانفرنساں دا انعقاد کیتا ڳئے ۔ کنونشن سنٹر اسلام آباد اچ ݙو ݙینھ وار عالمی سیرتؐ النبی کانفرنس دا انعقاد کیتا ڳئے جیں توں وزیر اعظم عمران خان خطاب کریسن ۔ایں ݙینھ پورے ملک اچ عام چھٹی ہوسی ۔وزیر اعظم عمران خان دی ہدایت تے ایں سال عید میلادالنبی صلی اللہ علیہ وسلم بھرپور جوش وجذبہ نال منائی ویسی ۔وزیراعظم ربیع الاول دے آغاز تے رحمت العالمین اتھارٹی قائم کرݨ دا اعلان کیتے جیڑھا جو سیرت ؐالنبی متعلق نصاب داتعلیمی اداریں اچ نفاذ دا انتخاب وی کریسی ، اے تھارٹی نبی کریمؐ دی تعلیمات اتے انہاں دے دور اچ مختصر عرصے اچ دنیا تے حکمرانی تے تحقیق وی کریسی ایں اتھارٹی دا سربراہ قرآن دی تفسیر لکھݨ آلا معروف سکالر ہوسی۔ایں اتھارٹی اچ عالمی اسلامی سکالر وی شامل ہوسن ۔وزیر اعظم ایں سال عشرہ رحمت العالمینؐ وی بھرپور اندازاچ مناوݨ دی ہدایت کیتی اے ، ارکان پارلیمنٹ کوں وی ہدایت کیتی ڳئی اے جو او آپݨے حلقیں اچ عید میلادالنبیؐ دی تقریبات اچ بھرپور شرکت کرن۔عید میلاد النبی صلی اللہ علیہ وسلم شایان شان طریقےںال مناوݨ کیتے ساریاں تیاریاں تھی ڳئن۔
